ყველაფერი კომპიუტერისთვის

 

   ანალიტიკური კომპანია iSuppli–ს ინფორმაციით, Intel–ის წილი მიკროპროცესორების ბაზარზე, მიმდინარე წლის მესამე კვარტალში გაიზარდა. წინა წლის იგივე პერიოდთან შედარებით კომპანიის წილი ბაზარზე გაიზარდა 1.7%–ით, ხოლო წინა კვარტალთან შედარებით – 0.3%–ით. ამავე დროს, კომპანია AMD დათმო თავისი პოზიციები – წინა წელთან შედარებით ბაზარზე მისი წილი შემცირდა 1.8%–ით. ანალიტიკოსების აზრით, Intel–ს წილის ზრდა განაპირობა NetBook-ებზე მზარდმა მოთხოვნილებამ.

 

 

  დღესდღეობით ბაზარზე წარმოდგენილი NetBook-ების უმრავლესობა მუშაობს Intel Atom პროცესორზე. NetBook-ების ბაზარი ამჟამად განიცდის ნამდვილ ბუმს. ექსპერტები ვარაუდობენ, რომ მიმდინარე წელს გაიყიდება 14 მილიონი NetBook–ი.