ყველასათვის კარგად ცნობილ რუსულ საიტზე www.odnoklassniki.ru რეგისტრაცია ფასიანი გახდა. თვითონ რეგისტრაციის პროცესი უფასოა, მაგრამ უკვე დარეგისტრირებულ მომხმარებელს ატყობინებენ, რომ თუ მას სურს გამოიყენოს საიტის ძირითადი ფუნქციები, როგორიცაა, შეტყობინების გაგზავნა, სურათების ატვირთვა და მათი შეფასება, ფორუმზე შეტყობინების დატოვება, სხვა მომხმარებლების გვერდების დათვალიერება, აუცილებელია გააქტიუროს თავისი ანგარიში.
აქტივაცია ხდება SMS შეტყობინების გაგზავნით. მისი ღირებულება სხვადასხვაა და არის დაახლოებით ერთ დოლარზე მეტი. თანხის ოდენობა დამოკიდებულია ქვეყანაზე და იმ მობილურ ოპერატორზე რომელზეც იგზავნება შეტყობინება. ქვეყნების ჩამონათვალში არის ყველა ის ქვეყანა სადაც რუსულად მოსაუბრე მოსახლეობის რაოდენობა შედარებით დიდია.
საიტის ადმინისტრაცია ახალ მომხმარებელებს არწმუნებს, რომ SMS–აქტივაცია აუცილებელია საიტზე წესრიგისთვის და ავტომატური დაგზავნისაგან (სპამი) თავდასაცავად.
საიტზე ადრეც იყო რამდენიმე ფასიანი სერვისი დარეგისტრირებული მომხმარებლებისთვის. მაგალითად რეჟიმი "უჩინარი", რომლის დროსაც სხვისი პროფილის ნახვისას არ ფიქსირდება მომხმარებელი "სტუმრების" სიაში.
| 
