All For Computers

Microsoft–ი Windows 7–ს გამოუშვებს 2009 წელს

irakli_oracle — Tue, 11 Nov 2008 12:13:37 GMT

ოპერაციული სისტემა Windows 7–ის გამოსვლის თარიღის შესახებ სხვადასხვა აზრი დიდი ხანია არსებობს. რამდენიმე დღის წინ Microsoft–მა განაცხადა, რომ გეგმავს ახალი ოპერაციული სისტემის გამოშვებას 2009 წლის ბოლოსთვის.

აქამდე Microsoft–ი ირწმუნებოდა რომ ახალი ოპერაციული სისტემა არ გამოვიდოდა 2010 წლის დასაწყისამდე, ან სანამ Vista არ გახდებოდა 3 წლის მაინც.

Microsoft–ი იძილებულია რაც შეიძლება სასწრაფოდ გამოუშვას ახალი საიმედო სისტემა, იმის გამო, რომ ძალიან ბევრი ორგანიზაცია უარს ამბობს Vista–ზე გადასვლაზე, ტექნიკური პრობლემებისა და ცუდი თავსებადობის გამო.

Windows 7–ს ძირითად თავისებურებას წარმოადგენს სწორედ მისი შედარებით სწრაფი მუშაობა და მეხსიერებასთან მუშაობის ოპტიმიზირება, რამაც ხელი უნდა შეუწყოს მის სწრაფ გავრცელებას, თუნდაც ნეტბუკებში და არა მარტო. დღესდღეობით ნეტბუკებში ყველაზე მეტად გამოიყენება Windows XP და Linux.

Time Boss 2.40: კოპმიუტერის გამოყენების კონტროლი

irakli_oracle — Mon, 10 Nov 2008 14:02:46 GMT

Time Boss – ესაა პროგრამა, რომლის გამოყენებითაც შესაძლებელია მომხმარებელს შევუზღუდოთ კომპიუტერის მოხმარების დრო, ინტერნეტში გატარებული დრო, სხვადასხვა პროგრამების და ფაილების გამოყენების უფლება. შესაძლებელია მომხმარებელს დაუნიშნოთ დრო, რამდენი საათი შეეძლოს მას კომპიუტერთან მუშაობა დღეში ან კვირაში, შეიქმნას განრიგი, რომლის მიხედვითაც გამოიყენებს მომხმარებელი კომპიუტერს. ასევე შესაძლებელია ინტერნეტში მუშაობის შეზღუდვა.

ასევე საინტერესოა კიდევ ერთი ფუნქცია, სადაც შესაძლებელია კონკრეტული პროგრამის გამოყენებისთვის განსაზღვრული დროის დაყენება.

ბოლო ვერსიაში დამატებულია ფაილის დაბლოკვის შესაძლებლობა, მაშინაც კი, როცა დაბლოკილ ფაილს გადავარქმევთ სახელს.

მწარმოებელი: NiceKit
ვრცელდება: shareware
ოპერაციული სისტემა: Windows All
ფაილის ზომა: 1,9 მბ

გადმოწერა

Almeza MultiSet 6.3: Windows–ის ავტომატური დაყენება

irakli_oracle — Mon, 10 Nov 2008 08:36:15 GMT

გამოვიდა პროგრამის Almeza MultiSet–ის განახლება. პროგრამა გამოიყენება Windows–ის და სხვადასხვა პროგრამული უზრუნველყოფის ავტომატურად დაყენებისთვის. პროგრამის გამოყენებით შესაძლებელია შესრულდეს პროგრამების დაყენება მრავალ კომპიუტერზე. პროგრამა ავტომატური დაყენებისთვის ქმნის დისკს, რომელის შეიცავს კველა პროგრამას, დრაივერს, უტილიტებს და ა.შ. დისკის გამოყენებით შესაძლებელია ნებისმიერი რაოდენობის კომპიუტერზე დაყენდეს ეს პროგრამები.

ბოლო ვერსიაში გამოჩნდა ენის ავტომატური დაყენების შესაძლებლობა, გასწორებულია 'amstart' ბრძანებათან და %cdrom% და %computername% შაბლონებთან მუშობა.

მწარმოებელი: Almeza Company
ვრცელდება: shareware
ოპეარციული სისტემა: Windows Vista/XP/2003/2000
ფაილის ზომა: 5,4 მბ.

გადმოწერა

MediaMonkey 3.0.6–ს ახალი ვერსია

irakli_oracle — Mon, 10 Nov 2008 08:01:34 GMT

განახლდა პროგრამა MediaMonkey 3.0.6, რომელიც გამოიყენება მუსიკალური ფაილების მართვისათვის. მას შეუძლია თავის კატალოგში იმუშაოს CD, MP3, WMA, და OGG ტიპის ფაილებთან. ამირ გარდა პროგრამას შეუძლია ჩაწეროს დისკებზე, გადაიყვანოს ერთი ფორმატის ფაილი მეორეში და ასევე შეუძლია კომპოზიციების მიქშირება. ის ინტეგრირდება პროგრამებთან Nero Burning Rom და Winamp. მასში ასევე ჩადგმულია პლეერი, რომელიც მხარს უჭერს Winamp–ის პლაგინებს.

ბოლო ვერსიაში ჩამატებულია Apple iPhone 3G და iPod Touch v2–თან სინქრონიზაცია.

მწარმოებელი: JHSoftware
ფასი: უფასო

ოპერაციული სისტემა: Windows All
ფაილია ზომა: 7 მბ

გადმოწერა

Lotus Symphony 1.2: უფასო ოფისი IBM–სგან

irakli_oracle — Mon, 10 Nov 2008 07:51:02 GMT

კომპანია IBM–მა გამოუშვა უფასო საოფისე პაკეტის, Lotus Symphony ახალი ვერსია. Lotus Symphony–ში შედიან პროგრამები Symphony Documents, Symphony Presentations და Symphony Spreadsheet. პროგრამა მუშაობს ოპერაციულ სისტემებზე: Windows (XP, Vista), Linux (Suse Enterprise, Red Hat, Ubuntu) და Mac OS X. Symphony–ს შეუძლია სხვადასხვა ფორმატებთან მუშაობა და მათ შორის MS Office ის ფორმატებთან. სტანდარტულად პროგრამა მუშაობს ODF ფორმატის ფაილთან. ასევე შესაძლებელია PDF ფორმატში ფაილების შენახვა.

ახალ ვერსიაში დაჩქარებულია .ods და .xls ფაილების ჩატვირთვა, .ods ფაილების შენახვა, გაუმჯობესებულია BIDI–ს მხარდაჭერა ელექტრონულ ცხრილების რედაქტორში, შესაძლებელი გახდა ლინკების შექმნა ლოკალურ ფაილებთან, პრეზენტაციებთან სამუშო პროგრამაში შევლილია ახალი დოკუმენტის შექმნის ფანჯრის ინტერფეისი.

პროგრამა Symphony არის უფასო და მისი ჩამოწერა შეგიძლიათ აქედან.

გამოვიდა Miranda IM 0.7.12–ს ახალი ვერსია

irakli_oracle — Mon, 10 Nov 2008 07:30:56 GMT

გამოვიდა უფასო მესინჯერის Miranda IM–ს ახალი, 0.7.12 ვერსია. პროგრამას გააჩნია ძალიან მოკრძალებული ინტერფეისი და მინიმალური შესძლებლობები. მისი ძირითადი დანიშნულება არის შეტყობინებების გაგზავნა და მიღება, მაგრამ შეიძლება პროგრამის შესაძლებლობების გაზრდა მრავალი დამატებითი მოდულით.

ბოლო ვერსიაში მომატებულია სტაბილურობა MSN და ICQ პროტოკოლებთან მუშაობისას.

მწარმოებელი: Miranda IM.
ფასი: უფასო
ოპერაციული სისტემა: Windows NT, 2000, XP, Vista
ზომა: 1.5 მბ

გადმოწერა

Google მხარს დაუწერს OpenID–ს

irakli_oracle — Mon, 10 Nov 2008 07:12:59 GMT

მას შემდეგ, რაც ცნობილი გახდა, რომ Windows Live მხარს დაუჭერს ერთიან ავტორიზაციის სისტემას (OpenID), იგივე სისტემის მხარდაჭერის შესახებ განაცხადა ინტერნეტ გიგანტმა – Google–მაც. Google–ში განაცხადეს, რომ აპირებენ OpenID 2.0 პროტოკოლზე დაფუძნებული API–ს ტესტირებას, რაც Google–ს ექაუნთის მქონე მომხმარებლებს საშუალებას მიცემს გამოიყენონ ეს მონაცემები სხვა რესურსებზე ავტორიზაციისას.

რამდენიმე ხნის წინ, OpenID–ს მხარდაჭერაზე განაცხადეს კომპანიაებმა Yahoo, Myspace და AOL.

Firefox-ის წილი გაიზარდა 20 პროცენტამდე

irakli_oracle — Mon, 10 Nov 2008 06:59:57 GMT

კომპანია Net Applications–მა გამოაქვეყნა ინფორმაცია მომხმარებელების მიერ სხვადასხვა ბრაუზერების გამოყენების შესახებ. ამ ინფორმაციის მიხედვით, Firefox–ის საშუალო წილმა ბრაუზერების ბაზარზე შეადგინა 19.97%. სექტემბრის თვესთან შედარებით ბრაუზერის წილი გაიზარდა ნახევარი პროცენტით. Internet Explorer კი განაგრძობს პოზიციების დათმობას – ბოლო თვეში ბრაუზერის წილი დაეცა 71.52% დან 71.27%–მდე. მიმდინარე წლის დასაწყისიდან, Internet Explorer–მა დაკარგა 4%, ხოლო Firefox–ის წილი გაიზარდა 3%–ით.

ბოლო თვეში ასევე გაიზარდა Opera–ს მომხმარებელთა რიცხვი – 0.69% დან 0.75%–მდე. ასევე Safari, Google Chrome და Netscape–ს წილი შემცირდა

Adobe–მ გამოუშვა განახლებები Acrobat, Acrobat 3D და Adobe Reader 8–სთვის

irakli_oracle — Mon, 10 Nov 2008 06:23:45 GMT

კომპანია Adobe Systems–მა გამოუშვა განახლებები თავისი პროგრამებისთვის –Adobe Acrobat Professional, Acrobat Standard, Acrobat 3D და Adobe Reader 8.1.3. ამ განახლებებით აღმოფხვრილია ამ პროგრამების სისუსტე, რომლის გამოც შესაძლებელი იყო დაცილებულად გაშვებულიყო რაიმე ზიანოსმომტანი კოდი. ასევე, განახლება ზრდის პროგრამების სტაბილურად მუშაობას და ასწორებს შეცდომებს, PDF ფორმატთან დაკავშირებით. განახლება ეხება მხოლოდ მერვე ვერსიას.

განახლებების ჩამოწერა შესაძლებელია აქედან. განახლებება შეიძლება დაყენდეს 8.1.2 და 8.1.2 Security Update 1 ვერსიებზე.

მაღალსიჩქარიანი 2,5", 128 SSD-დისკი, სახელწოდებით Transcend

allforcomps — Fri, 07 Nov 2008 11:56:37 GMT

კომპანია Transcend Information–მა განაცხადა, რომ უშვებს ახალ, 2.5" SSD-დისკს. იგი იმუშავებს SATA2 ინტერფეისზე და იქნება 128 GB მოცულობის.

ნაწარმი დამზადებულია მრავალდონიანი, (Multi-Level Cell, MLC) NAND ტიპის ფლეშ მეხსიერების ჩიპებით და იყენებს ECC (Error Correcting Code) მექანიზმს, გადაცემული ინფორმაციის მონიტორინგის და შეცდომების გასწორების მიზნით. სხვა, დამატებითი ინფორმაცია ამ სიახლეზე არის შემდეგი:

წაკითხვის სიჩქარე: 145 მბ/წ;

ჩაწერის სიჩქარე: 92 მბ/წ;

დარტყმისადმი მდგრადობა: 1500 G (0.8 მწამი);

მუშაობისათვის გათვლილი დრო (MTBF): 1 მლნ საათი;

ხმაური: 0 დბ;

სამუშაო ტემპერატურის დიაპაზონი: 0 დან +70 გრადუსამდე;

ზომები: 100 x 69,85 x 9,5 მმ.

ფასზე და გამოშვების თარიღზე ჯერჯერობით არაფერია ცნობილი.